Xanana Gusmão fó votu ba Taur Matan Ruak iha sorumutuk iha Dili

11 de Março de 2012, 15:35

 Primeiru Ministru timoroan no hanesan prezidente ba Kongresu Nasionál ba Rekonstrusaun Timór-Leste nian (CNRT), Xanana Gusmão, ohin tuir sorumutuk ba dahuluk iha komísiu Taur Matan Ruak nian, kandidatu ba prezidensiál loron 17, ne’ebé hala’o iha Dili.

“Ne’e surpreza ida, ne’ebé lahakerek iha programa”, hateten husi elementu Taur Maran Ruak nian ida ba ajénsia Lusa. CNRT foin dadauk ne’e fó-sai ninia apoiu ba kandidatu ba eis xefe forsa armada timoroan nian.

Xanana Gusmão mosu, akompaña mos ho família, Taur Matan Ruak hato’o hela diskursu ba ninia apoiante sira kona-ba razaun ninia kandidatura, ne’e di’ak ida ne’ebé maka nia hakarak halo atu Timór-Leste bele hetan futur ida ne’ebé di’ak, karik hili nia.

Iha diskursu ne’e, Taur Matan ruak hatudu preokupadu ho korupsaun no sinál esteriór rikeza nian, katak karik nia manán iha eleisaun, hakarak haree investigadu no defende servisu militár obrigatóriu ba joven sira hahú husi tinan 18.

Iha éstaze apoiante sira-nian, Xanana hetan bolu ba iha oin hodi hato’o ninia votu ba Taur Matan Ruak.

Iha komísiu ne’ebé, ne’ebé maka lanakonu iha kampu demokrasia, iha Dili laran, hetan partisipasaun husi ema barak, ema barak liu maka joven, ne’ebé maka dansa no hakilar maka’as ba Taur Matan Ruak no Xanana Gusmão.

“Viva Taur Matan Ruak, Viva Xanana Gusmão”, hakilar husi joven sira ne’ebé maka haleu, tanba iha lorokraik ne’e udan iha Dili.

Iha eleisaun prezidensiál Timór-Leste nian, ne’ebé marka ona ba 17, husi kandidatu na’iin 12.

MSE.
Lusa/Fim