PM hasoru Matebian Avo Xavi nia Familia

FRETILIN kontinua la husu deskulpa ba Avo Xavi

Dili, 09-03-2012

Written by Antonio S.T.

Dili TDF: Primeiro Ministro Kay Rala Xanana Gusmao ohin sexta-feira loron 09-03-2012 hasoru malu ho familia matebian proklamador da Republika Fracisco Xavier do Amaral nebe mate no hakoi tiha iha Qunta-Feira loron 08-03-2012 iha Jaridin dos Herois, Metinaro - Dili.

Enkontro nerasik halai iha Palacio do Governo iha loraik tuku 15.00.

Iha enkontro ne la aborda buat barak maibe familia Avo Xavi nain atu hato deit agradesimento ba governo liu hosi Primeiro Ministro, no koalia mos buat seluk konaba estatuto Proklamador nian hafoin serimonia funebre iha Jardim dos Herois.

Sermonia Funebre iha Metinaro nebe ema rihun mak asiste, halao iha Qunta Feira loron 08-03, no lidera direitamente hosi Presidente da Republika, no akompanha hosi Primeiro Ministro ho lider seluk tan.

Avo Xavier, nudar proklamador, ema terus nain ida. Bainhira deada lia ho matebian iha tempo hirak liu ba, Avo Xavi hatete katak nia mos terus iha ai-laran, maibe aat liu bainhira nia maluk sira iha FRETILIN akuza nia tanba deit nia hakarak mobiliza populasaun hodi bele salva sira hosi funu, hodi hahu guerra urbana. Maibe  depois sira rasik mak kaer, dadur no tortura nia  Avo Xavi hetan torturasaun makaas iha ailaran, hakoi iha rai-kuak no mos nia fuuk koa tiha ho letra T (Traidor), antes Indoneisa sira kaer nia.no dadur nia durante tinan 22 nia laran.

Mesmo to nia hakoi, laiha lia-fuan ida sai hosi lideransa FRETILIN hodi husu deskulpa ba hahalok no torturasaun nebe sira halo ba avo Xavier durante sira prende nia iha ailaran.

Agusto Mendonsa, comunidade ida hosi Aileu, arrepende tebes ho FRETILIN nian hahalok ne, no husu atu partido seluk labele halo tuir dalan aat nune, no tenki dudu povo Timor oan atu banati tuir Avo Xavi nia lia-menon, hadomi malu no kria unidade nasional iha ita rain (jock).