Lu Olo no Taur Matan Ruak ba Segunda Ronde

Sapo.tl - 18 de Março de 2012

Kandidatu sira ba prezidensiál Timór-Leste nian, Francisco Guterres Lu Olo no Taur Matan Ruak maka kaer rezultadu provizóriu ba eleisaun prezidensiál ne’ebé hala’o iha sábadu ne’e, tuir númeru ne’ebé divulga husi Sekretáriu Tékniku Administrasaun Eleitorál nian.

Bainhira konta votu 289.626 (pursentu 46,23 ne’ebé liu husi eleitór rihun 625 ne’ebé maka vota), kandidatu Francisco Guterres Lu Olo, ne’ebé apoiu husi Frente Revolusionáriu Timór-Leste Independente (Fretilin), maka kaer ho pursentu votu 27,16, husi votu hirak ne’ebé sura ona.

Ba daruak maka eis xefe Forsa Armada, Taur Matan Ruak, ne’ebé ses-an husi nia funsaun atu hodi konkore iha eleisaun prezidensiál ne’ebé hetan apoiu husi Conselho Nacional da Reconstrução (CNRT) husi primeiru Ministru Xanana Gusmão, hetan pursentu votu nian hamutuk 23, 51.

Xefe Estadu ida agora dadaun iha Timór-Leste, José Ramos-Horta, ne’ebé maka kandidata-an hikas ba kargu ne’e hetan pozisaun datoluk ho pursentu 20,17, tuir fali maka Fernando La Sama de Araújo, prezidente Parlamentu Nasionál ida agora dadaun nian no lider husi Partidu Demokrátiku, ho pursentu votu nian hamutuk 17,78.

Dadus provizóriu ne’ebé fó-sai ona ne’e hatudu mos katak boletín votu nian hamutuk 11.972 maka nulu no ema na’in 4.459 maka vota mos de’it.

Ladauk iha dadus ruma ne’ebé ho abstensaun.

Ema eleitor liu husi rihun 625 maka horisehik hili, entre kandidatu na’in 12, hanesan Prezidente Timór-Leste nian ba datoluk, hahú husi restaurasaun independénsia iha loron 20 fulan maiu 2002.

Karik laiha kandidatu ida maka hetan votu liu husi pursentu 50 tenki tama fali ba votasaun daruak.

MSE.