PN lamenta Servisu RTTL: La Halo Kobertura ba Diskusaun Lei Rai Nian.

Tuesday, 07 February 2012 15:29
Written by Pedro Delfim 

Dili-MLP,Deputadu husi AMP no opozisaun la menta tebes ho servisu RTTL nian ne’ebé durante halo diskusaun Lei  rai nian iha Palamentu Nasional RTTL la halo transmisaun dereita hodi hatudu ba povu tamba lei rai nian inportante duni ba puvu sira atu asiste diskusaun lei rai nian iha Parlamentu Nasional.

Tuir Deputadu husi Bankada CNRT, Natalino Dos Santos hateten katak tinan-tinan Parlamentu Nasional aprova ona osan barak hodi tau ba RTTL hodi halo nian servisu  maibe iha tempu ne’ebé inportante ida halo diskusaun lei rai nian RTTL la halo kobertura hodi transmisaun dereita hodi hatudu ba povu. “Tinan-Tinan Parlamentu Nasional sempre aprova osan  barak hodi tau ba iha RTTL hodi halo nian kanar maibe to’o tempu ida ne’ebé importante halo diskusaun sira la marka prezensa hodi halo transmisaun dereita hodi povu bele akompania dikusaun lei ne’e”Dehan Natalino iha Parlamentu Nasional Terca (07/02)

Nian mos inforam tan katak husu Sekretariu ne’ebé kompotente atu bele mai iha Parlamentu Nasional hodi spelika razaun saida mak sira la mai hao kobertura iha tmepu diskusaun ne’e.

Iha fatin hanesan mos Deputadu husi bankada CNRT, Adérito Hugo hateten katak tuir lolos RTTL tenke halo transmisaun dereita no sira mos bele akompania diskusaun lei ne’e hodi komprende didiak lei ne’e atu nune bele fo sai ba publiku lolos.

“Tuir lolos RTTL sira tenke mai halo transmisaun dereita hodi povu sira bele akompania diskusaun ne’e no mos presija sira akompania hodi sira komprende didak atu nune sira bele fo sai  ba publiku tuir lolos”dehan Hugo.

Iha fatin seluk Deputada husi Bankada PD, Getrudis Moniz hateten katak Parlamentu lalika hakruk deimais ba RTTL hare Radio ho jornal sira seluk mos ita holo diskusaun kontinua ona laos atu hein fali deit sira tamba sira ne’e laos agora deit mabe dala barka ona.

“Parlamentu hanesan oragaun sobranu ne’e duni atu lalika hakruk demais ba RTTL ita hare radio ho jornal sira iha ita kontinua halo diskusaun ona la presija sira ona tamba siroa laos agora maibe dala barak ona”dehan nian

Tuir informasuan ne’ebé Prezidente Parlamentu Nasional hetan katak sira nian tékniku sira tun ba baze hodi hadia antena hodi prepara ba eleisaun Presidensial no  Parlamentar.