domingo, 12 de fevereiro de 2012

Kay Rala Xanana, Hatudo Ezemplo Hodi Hasses Moras Dengue

Notisia Husi TVTL - Sesta Kalan, 10 Fevereiru 2012

Primeiru Ministru, Kay Rala Xanana hatudo ezemplo diak hodi tun rasik ba dalan ninin hodi hamos valeta foer, no fatin sira nebe lixu barak hodi prevene moras dengue. Hamutuk  Funsionarius Publiku, PNTL inklui komunidade sira envolve iha limpeza jeral hodi prevene moras dengue iha kapital Dili.

Maske programa Governu kona ba limpeza jeral ne’ebe involve funsionariu Publiku Sesta-sesta paradu durante tinan hirak nia laran, maibe hahu oin limpeza jeral ne’e komesa hahu hikas, tamba relasiona ho moras dengue ne’ebe akontese iha Timor-leste.
 
Inisiativa ida ne'e hahuu rasik hosi Primeiro Ministro Kay Rala Xanana Gusmao hodi hatudo ba komunidade katak -fatin-mos ne importante tebes atu ita hare, tanba se lae, sei hada'et moras oin oin nebe'e lori moras, liu-liu moras dengue.

Primeiru Ministru Xanana Gusmao, funsionariu Publiku husi Ministeriu hotu, PNTL, inklui komunidade Sesta-feira ne’e envolve iha limpeza jeral iha kapital Dili hodi hamoos lixu sira ne’ebe mak sempre kria moras.

Ba kestaun ne’e, informasaun hosi Ministerio Saude fo sai katak total kazu denge ne’ebe oras ne’e rejistadu iha Ospital nacional Guido valadares hamutuk 312, husi kazu ne’e ema nain 3 mak mate, distritu 5 ne’ebe mak agora dadaun infrenta moras Denge mak hanesan, Dili, Manatutu, Baucau, Liquisa no Bobonaro ho numeru pasiente ne’ebe barak liu kompara ho distritu sira seluk.
 
Xanana husu ba komunidade hotu atu hamos sira nia uma-hun, estrada no valeta kuak sira ne hodi labele hakiak susuk, no lori moras dengue ba ita nia uma-laran.

Sem comentários:

Enviar um comentário